അഹമ്മദാബാദ്: ഐപിഎല് കിരീടം സ്വന്തമാക്കി റോയല് ചലഞ്ചേഴ്സ് ബംഗളൂരു. ഇന്ന് നടന്ന ഫൈനലില് ഗുജറാത്ത് ടൈറ്റന്സിനെ അഞ്ച് വിക്കറ്റിന് വീഴ്ത്തിയാണ് ആര്സിബി കിരീടം നിലനിര്ത്തിയത്. സ്കോര്: ഗുജറാത്ത് 20 ഓവറില് 155-8, ബംഗളൂരു 18 ഓവറില് 161-5.
വിരാട് കോഹ്ലിയുടെ വെടിക്കെട്ട് പ്രകടനമാണ് ആര്സിബിയെ കിരീടത്തിലെത്തിച്ചത്. 42 പന്തില് മൂന്ന് സിക്സും ഒന്പത് ഫോറും ഉള്പ്പെടെ 75 റണ്സുമായി കോഹ്ലി പുറത്താകാതെ നിന്നു.
ഓപ്പണറായ വെങ്കിടേഷ് അയ്യര് 16 പന്തില് 32 റണ്സും നേടി. രജത് പടിദാര് 15 റണ്സും ടിം ഡേവിഡ് 24 റണ്സും നേടി. ജിതേഷ് ശര്മ പുറത്താകാതെ 11 റണ്സുമെടുത്തു. ഗുജറാത്തിനായി റാഷിദ് ഖാന് രണ്ട് വിക്കറ്റ് വീഴ്ത്തി.
ടോസ് നഷ്ടപ്പെട്ട് ആദ്യം ബാറ്റ് ചെയ്ത ഗുജറാത്തിനെ വാഷിംഗ്ടണ് സുന്ദറിന്റെ അര്ധ സെഞ്ചുറി പ്രകടനമാണ് വലിയ തകര്ച്ചയില്നിന്നും രക്ഷപ്പെടുത്തിയത്. 37 പന്തില് നാല് ഫോറുകളുടെ അകമ്പടിയോടെ വാഷിംഗ്ടണ് സുന്ദര് പുറത്താകാതെ 50 റണ്സെടുത്തു.
നിഷാന്ത് സിന്ധു 18 പന്തില് 20 റണ്സും നേടി. ഓപ്പണറുമാരായ സായി സുദര്ശനും (12 പന്തില് 12) ശുഭ്മാന് ഗിലും (എട്ട് പന്തില് 10) പരാജയപ്പെട്ടപ്പോള് ജോസ് ബട്ട്ലറും (23 പന്തില് 19) നിരാശപ്പെടുത്തി.
രാഹുല് തെവാട്ടിയ (7), ജേസണ് ഹോള്ഡര് (7), റാഷിദ് ഖാന് (7) എന്നിവര്ക്കും തിളങ്ങാനായില്ല.
ബംഗളൂരുവിനായി റാസിഖ് സലാം ദാര് മൂന്ന് വിക്കറ്റ് വീഴ്ത്തി. ഭൂവന്വേശര് കുമാറും ജോഷ് ഹസില്വുഡും രണ്ട് വിക്കറ്റ് വീതവും വീഴ്ത്തി.
Deepika
E-paper LOGIN
LOGIN